Призыв (обращеніє) до Конгреса Світовой Рады Русин.
Честовані Председатель, Делегаты і гості Світового Конгреса Русинов!
Прийміт поздравлєніє з одкрытієм Світового Конгреса Русин!
На Ужгородському Конгресі Русинов Вы прийняли зміны до Статута, де констатовано, же кажду страну має представляти ОДНА організація.
У каждуй страні тов єднов-двома організаціями є організації што об’єдіняют всі Русинські організації державы(в Словакії то є Русинська Оброда і САРО).
Тов організаційов што об’єдинила Русинські організації Україны є Координаційна Рада Русин, котра обєдинила 32 організації із 33(окрім крайового общества Русин Бобинця ).
В тот час Світова Рада Русин лише тоту єдинственну організацію, што не входит в Координаційну Раду Русин рахує легітимным українськым представітельом. Таким образом 32 Русинські організації Україны не мают связи з материнськов організаційов Русин Світа.
Бобиниць єдинолічно делегує на Світовий Конгрес дві організації, што не мают одношення до Русинства, так як не мают у своих Статутах вимогы ПРИЗНАНІЯ РУСИН, котру мают всі Русинські організації края.
Тому просиме Вас обговорити вопрос і дати доступ до материнської організації Русин Світа всім Русинам Україны, котрых до 1944 рока боло 500 тисяч, а ныні близько 800 тисяч Чиляди.
Просиме Вас організовати обращеніє Ваших Парламенту до Парламента України о признанії Русин на материнськуй земли – Подкарпаттю. Обращеніє мош одправляти лише в септембру, бо товды буде організованый новый Парламент Україны.
Член Президії Народной Рады Русин Закарпаття Палінкаш Іван.